「廣東人講廣東話，唔識講就返鄉下！丟佢！」示威者以生菜番茄蕉皮招呼吳得掂，吳得掂只好雙手護頭，保護那幾根青絲免受摧折，並大叫冤枉：「窖辱局網站上面寫嘅係謊言！謊言嚟咋！」示威者無動於衷，繼續丟佢：「我夠知你話廣東話係方言，唔係法定語言啦！瞄住佢個光頭！丟佢！」

「誤會啦！我係話我哋講大話嗰種謊言呀！」吳得掂只好狂呼。眾人大駭，高官被指控「你講大話」者有之，但竟有自認講大話的？示威者立時停手，吳得掂撥走眉上生菜後再說：「我哋咁做係為香港好，家陣港獨咁猖狂，就係因為廣東話！蘇格蘭咪就係有方言，所以咪要獨立囉！我哋要愛惜呢個咁和諧嘅社會，首先要唾棄廣東話！」

「哦！原來係咁！咁我哋唔搞港獨，」示威者將手中的雞蛋拋上拋下：「我哋搞大廣東獨立啦！」

第一手消息請下載on.cc東網iPhone/iPad/Android/Windows Phone Apps