新年到，滿街大紅大紫，喜氣洋洋，不過，唔少人都覺得穿紅着紫唔易配搭，經常做形象指導嘅何紫綸（Ann）早前就教一眾潮女點着拜年裝。阿Ann話，佢以往新年會着到全身紅色，希望好意頭，但其實新年打扮應着重配飾方面嘅配搭，而唔係一味大紅大紫。

何紫綸教路襯出唔同過年衣着，去拜年就唔使頭痕啦。

何紫綸話着白色毛毛服飾可顯得後生啲。

佢舉例，如着帶有紅色嘅鞋履，配以有紅色點綴嘅誇張飾物，都會襯出新年氣氛。除咗紅色外，白色亦係新年嘅好選擇，佢話：「白色毛毛服飾每到冬天都好多人着，着素色嘅衫感覺會後生啲，少女味重；着娃娃裙雖然感覺會好累贅，但只要上身着窄身上衣，就可以加強線條，感覺清新。」

第一手消息請下載on.cc東網iPhone/iPad/Android/Windows Phone Apps