台灣評論強勢登場 東網猛料陸續有來

「上東網、知天下」，東網打造全球華人最強資訊網，成績斐然，短短兩個幾月咋，點擊率持續攀升，其中《太陽報電子報》、《好報電子報》網頁及手機App嘅下載頁次，已經突破一日二百萬，唔到你唔服。東網成功全靠網民捧場，為咗回饋大家，今日起強勢推出台灣評論版，以史上最強陣容提供多角度、深入嘅時事及政局分析，幫助讀者全面了解台灣政局同兩岸形勢，千祈咪錯過吖！

話明係最強陣容，梗係夠晒分量喇。第一炮由台灣立法院副院長、國民黨副主席洪秀柱打響，呢位政壇女強人，問政風格夠激，官員同政敵見到呢位「小辣椒」都敬畏幾分o架，佢為東網撰寫評論，一定有睇頭，大家係咪好期待呢！

另一位重量級撰稿人同樣唔簡單，一講個名就知分量十足，佢就係有「爆料天王」之稱嘅前立法委員、現任台灣經濟研究院董事邱毅嘞，佢當年踢爆扁家弊案而享譽台灣政壇，今次喺東網撰文，堅料、猛料、爆料一定唔少得，各位又點可以錯過呢？

藍營猛人出場，綠營亦係分量十足。東網邀得民進黨新星、民意支持度極高嘅立委林佳龍撰文，佢已經宣布參選今年台中市市長，而且勝選呼聲極高。此外，立委江啟臣、姚文智、黃偉哲等人亦會喺東網同大家分析時事，精彩可期。

講到政壇猛人，絕對唔少得民進黨重量級人物、高雄市市長陳菊。呢位一向敢作敢為、個性率直嘅政壇女將，已經答應為東網撰稿，正落實具體供稿時間，敬請各位密切留意。

正所謂，台灣資訊全面速遞，全球讀者先睹為快。各位只要登入東網，按左邊Menu Bar評論欄內「台灣」就搞掂；手機讀者同樣方便，只要打開「東網港澳」App，點選上方Menu Bar嘅「評論」，再按「台灣評論」選項，重量級文章一覽無遺。手機版仲設有夜讀模式，呢啲咪叫貼心服務，無微不至囉。

總而言之，東網嘅宗旨係立足香港，服務全球，因應唔同地區讀者需要，推出唔同版本，提供最地道、最合讀者口味嘅資訊。太一叮先透露少少秘密，除咗台灣版，針對內地讀者嘅東網大陸版亦正醞釀中，好快就會同大家見面。一句講晒，東網係華人最強資訊網，實至名歸！