SUN搞作：SUN官場現形記：人無恥天下無敵
李衞行行吓街，竟然見到菲國嘅阿基基，二話不說，上前痛毆佢一番，事後就咁將一蚊掟落地下……
阿基基︰做咩打我？快啲同我道歉！
李衞︰件事咪解決咗囉，仲使咩道歉。
阿基基︰幾時解決？我話未解決。
李衞︰當然係由我賠一蚊畀你嗰刻起就已經解決，你哋都話賠咗錢，人質事件就解決咗，唔係咩？
阿基基︰但我國出手咁慷慨，你先畀得一蚊？
李衞︰好喇，見係你，畀多「一蚊」你！
(李衞上前大力捏阿基基一下)
阿基基︰打完我仲唔夠，仲要捏我？
李衞︰又係你話一蚊唔夠，咪畀多「一抆」你囉！
阿基基︰@##$$%%^^
