尋日收到滙控集團主席范智廉寄嚟嘅賀卡，紅彤彤嘅卡，佢仲逐張逐張簽名！

滙控范智廉嘅新年賀卡，應節之餘，亦反映出滙豐嘅「地方智慧」。

新年賀卡

恒生銀行尋日公布，馮婉眉將會退任該行非執行董事一職。

諗番「獅子銀行」三年前歷史性舉行嘅策略日盛事，當時滙控亦有邀請香港傳媒到英國倫敦採訪，自此之後，范智廉都有keep住寄發附有親筆簽名嘅賀卡。可惜大鑼大鼓搞咗策略日之後，滙控呢兩、三年嘅業績表現唔算標青，股價浮浮沉沉，一直停留喺八十蚊左右水平。滙控喺二月底公布○三年全年業績，如果業績表現理想，令股價好似賀卡嘅顏色咁，盡快重返「紅底股」行列，相信係好多小股民嘅心願。

講開獅子銀行，旗下嘅恒生銀行尋日公布，滙豐香港區總裁Anita馮婉眉將會退任恒生非執行董事一職，以應付集團日益繁重嘅職務。另外，恒生零售銀行及財富管理業務主管陳力生獲委任為恒生嘅執行董事，同樣由明日起生效。

第一手消息請下載on.cc東網iPhone/iPad/Android/Windows Phone Apps