SUN搞作：網絡小說：公義何在

妻女就寢，威猛獨坐梳化吐出煙圈，彷彿要把疲勞一併呼走。鈴聲突然響起，電話傳來手下察猜的聲音︰「威猛哥！批貨出咗事，兩頭唔到岸，點算呀？」「call埋班兄弟做嘢，我即到！」噩夢再臨，威猛跳上座駕趕往支援。

「威猛哥！」察猜早已到場︰「差人唔畀我哋啲車上禮賓府呀！」威猛下令︰「圍住兜圈，無高官嚟唔好停！」威猛一眾與警對峙，到凌晨一點，一位衣着光鮮的女士出現勸解︰「不如你哋返去休息先，有乜聽日再傾。」

「派個政助嚟敷衍我哋？」威猛怒道︰「一早話咗搞分流又唔聽，依家大陸啲雞中招，就要我哋本地雞農陪葬，公義何在？」政助小聲道︰「不如……」威猛大吼︰「不你個頭！叫你老細嚟！」

怒火掀動積壓的疲勞，威猛語畢頹然倒下。貨車上百雞齊啼，不知是為威猛，還是為自身哀鳴……