聽日就係大年初一，少膽虫喺度同大家拜個早年，事關本虫服務壹全霉呢間爛鬼機構，真係唔知佢幾時摺埋，又唔知自己幾時炒埋，惟有把握機會啦！雖然前路茫茫，但係本虫喺度向讀者承諾，壹全霉喺有限嘅生命、喺淫賤黎淫威之下、喺妖魔小鬼亂舞之下，一定會將以下三點宗旨發揚光大！

第一，正所謂一年之計在於春，壹全霉會繼續透過《爛果》、動呻吟等大力賣春，以教壞細路為己任，誨淫誨盜之風絕不止息！第二，新聞創作一向係壹全霉最重視嘅環節，有見過去一年創作水平有下滑迹象，來年我哋將會重整人手，前線記者可減則減，轉而聘用大批編劇，務求做到新聞當戲睇，總之作得就作啦！

壹全霉創立至今，無時無刻都喺死亡邊緣掙扎，你問我哋點解仲未死得？簡單一個字，就係反！為反而反，做永遠嘅反對派，呢個就係生存之道嘞！少膽虫在此許諾：凡對港人有利的，我們必定反對，凡是禍害香港的，我們必定贊成！

第一手消息請下載on.cc東網iPhone/iPad/Android/Windows Phone Apps