政壇：名人齊讚on.cc東網快靚正

親撰祝福語 向讀者拜年

福建幫頭領兼書法家施子清題字「天地和春」，寓意港人馬年一團和睦，和氣生財；恒生銀行家族新抱何倍倩就祝大家「青春常駐」。立會議員王國興則祝願大家「一馬當先」、「龍馬精神」，並讚揚「on.cc東網」內容緊貼時弊，訊息又快又及時。

文學同書法根底了得嘅施子清題字「天地和春」，別具意義，佢話以五行術數推算，馬年將是豐收嘅一年：「呢匹馬行得好穩，香港各行各業都會受惠，咪睇依家股市低沉，一到初五立春後，香港運程將會步入新氣象，馬年將是百業騰飛的一年，港人一定大豐收！」

王國興都係書法高手，每逢寫揮春都帶備一套「書法架生」，包括勞工手襪同一罐金油，佢以蒼勁有力嘅揮春祝願大家「一馬當先」、「龍馬精神」。佢又讚「on.cc東網」取材尖銳，能喚起讀者關注，期望「on.cc東網」喺馬年續提供更豐富、多姿多采嘅資訊。

喺維園擺檔寫揮春嘅教協副會長張文光，恭賀《東方日報》同「on.cc東網」讀者身體健康，並題字「日新月新、東方精神」，力讚「on.cc東網」報道快而準，實有懶記者同編輯盡心盡力報道，發揮監察政府角色，加上新聞評論見解獨到精闢，佢每日早上均上「on.cc東網」閱覽新聞，掌握當前最新政治形勢。

何倍倩就祝福「on.cc東網」讀者「青春常駐」，佢提醒都市人要爭取時間休息。佢又讚「on.cc東網」緊貼時尚訊息，每日必看。