雞販「好得閒」燒臘店大旺
【本報訊】雞販沒有活雞賣，令市民團年飯無鮮雞吃。九龍城街市雞檔檔主玲姐坦言，雖有客人改吃冰鮮雞應節，但銷情遠不及往年賣活雞好，生意大幅下跌四成：「往年呢個時候忙到做都做唔切，依家好得閒！」
玲姐嘆生意大不如前，不敢入太多冰鮮雞。
唔介意無活雞
李女士︰「無活雞食其實無所謂，可能老人家有少少介意，不過最緊要都係身體健康。」
羅太︰「雖然活雞係好食啲，但覺得衞生問題同樣重要，其實外國都無活雞食啦！」
市民聞雞色變，玲姐不敢大量入貨，昨只訂九十隻冰鮮雞，今日年三十市民做節團年，亦不會增加入貨量：「賣得晒就好！」另一雞販檔主梁太亦稱，昨早賣出一百隻冰鮮雞，生意下跌三成。
過年無活雞賣，街市雞檔淡靜，燒臘店卻大旺。燒臘店負責人李先生說，今年訂單較去年多兩成，估計與無活雞有關。他解釋，市民或轉買燒肉等補足，加上燒臘店的冰鮮雞是「現成貨」，不用烹煮，不少市民為求方便都會買，預計今日團年生意更旺。
