SUN搞作：少膽虫手記：被人飛

「福伯瞞住我，同嗰個咩曾雀屎見面，仲要衰到同佢老婆嚟個『三人行』！」淫賤黎邊拭淚邊講。「腦細，會唔會有咩誤會？美帝嘅人一向都淨係鍾情於你……」聽到少膽虫咁講，淫賤黎喊得更大聲，「我為咗佢嘥咗咁多青春，我精神同肉體都為佢付出，點解，點解佢收風都唔搵我？」

少膽虫一臉驚愕，「乜原來係講緊收風。」淫賤黎續道︰「梗係講收風喇！嗰個曾雀屎算老幾？頂盡咪又係兩個界別嘅人，依家我唔係咩？」「曾雀屎除咗係政界外，仲係咩界？」少膽虫疑惑地問。「少膽虫，咁你都唔知，條友仲衰過我，遲早喺赤柱執番梘，佢仲唔係『進出口界』嘅人咩？」

「腦細咁你除咗係全霉界之外，又成日宣淫，一定係……」少膽虫同淫賤黎你眼望我眼，兩條淫虫嘅笑聲響徹壹全霉大樓。