臨近農曆新年，本港六大宗教領袖，包括天主教香港教區主教湯漢聯同香港佛教聯合會會長覺光法師、孔教學院院長湯恩佳博士、香港基督教協進會主席袁天佑牧師、香港道教聯合會主席梁德華道長，以及中華回教博愛社主席薩智生發表聯合新春賀詞，開宗明義話「一年之計在於春」，所以提出對社會關注事項，期望共同努力以求改進，跟住首先就環保作出忠告，直指目前世界氣候出現反常，若進一步惡化，則人類可能受到生存威脅，因此致力環保已屬刻不容緩。

賀詞其後趁機就此進一步闡述，表示更值得關注嘅係「心靈環保」，要務求心靈不受污染，因科技進步神速，網上事物包羅萬有，市民必須抗拒，保護純潔心靈。賀詞又直言依家教育偏重於知識嘅灌輸，缺少品德培養，倘未能將科技及品德並進，則難望社會健康發展，甚至「義利倒置，百弊叢生」，社會前途不堪設想喎。

泛民主派不時高舉爭取民主自由嘅旗幟，該份賀詞末段也提及社會尤應珍惜民主自由，然而須知水能載舟亦能覆舟，若不知善用，行為極端放肆，實非社會前途之福，最後並寄語市民「自律自愛，則社會幸甚」，希望香港安定環境受到珍惜咁話。話時話，六大宗教領袖提及嘅「行為極端放肆」，莫非放諸現今社會就係激烈示威行為？言下之意係咪希望眾人反思該等行為是否恰當呢？

第一手消息請下載on.cc東網iPhone/iPad/Android/Windows Phone Apps