政壇：方剛教路來年買樓諗清楚
農曆新年將至，近排政黨、商戶甚至商場都爭相印製應節揮春，立法會批發及零售界議員方剛呢幾日都頻頻落區向攤檔商戶拜早年，尋日佢就去咗灣仔太原街同銅鑼灣渣甸坊露天市集，向商戶派發揮春。
方剛尋日落灣仔及銅鑼灣派揮春，同商戶提早拜年。
方剛話佢以往都有派揮春嘅習慣，落到市集，唔少檔主同市民都同佢打招呼，仲有檔主同方剛話，佢個樣愈嚟愈後生添，大家開開心心，互相祝願，真係提早過年咁款。零售業對經濟形勢最敏感，方剛坦言，佢對來年經濟預測較為謹慎，加上美國有機會加息，有意買樓人士就要諗過度過喇。不過，佢最尾都祝願各位身體健康，商戶生意興隆。
