SUN搞作：打橫嚟講：香港愈衰，佢哋愈變態！
呢個香港廢柴政府真巴閉，從今起，已升格改名為「變態政府」。
香港變態政府的最大特徵，就必然的、公然的與民為敵。
凡得到大多數市民支持的，呢個變態政府都唔去做，相反，全港庶民反對的，佢偏偏執意推行，最鮮明嘅例子，係九十幾巴仙香港人一致反對強國新移民一過羅湖橋，毋須七年（其實係即時就得）便可享用無限香港福利，變態政府卻急推上馬，早日實施；另外，香港人力催政府自決大陸人的單程配額，但變態政府亦充耳不聞。
更變態的係，呢個垃圾廢柴政府專門收容那些三尖八角非人若獸的異品入局做大官當顧問；廢到無朋友的，莫如周一鑊、吳得掂、劏房醉駕囤地波……（下刪三千字），此等粉皮，唔止係垃圾，我懷疑佢哋心理不平衡的，否則，何解每每都跟香港市民過不去？直接的講法，係要禍港害人的呢？究竟香港邊窟得罪佢哋冚家祖宗呢？吖！好應有人追查吓佢哋屋企有無收埋女人底褲呀！超爆四仔呀！狂打傭人呀！或曾偷拍人哋走光相！呢班變態者，經常助紂為虐，加速香港沉淪，但唔知點解，佢哋仲可以存在，繼續惡形惡相胡作非為？
當大陸一批不學無術的偽學者虛報香港民情，話香港有二萬幾人想搞港獨，上述那群極世異品，誰人出嚟「為港發聲」，糾正「謊情」呢？勿讓中央阿爺將香港當咗新疆西藏咁至得o架？
可惜，呢班香港變態廢柴庸才無人真心為香港好的，又怎會反駁呀？香港愈衰，佢哋就愈happy，愈有着數，咁咪係變態囉！
彭志銘
次文化考古學家，對城中潮語有深入研究，博徵博引，廢官廢人行埋一邊。
歡迎add我facebook一齊(目及)實政府
