自從同淫賤黎斬雞頭、燒黃紙做兄弟後，少膽虫雖然無得升職加薪，但起碼唔使郁啲就畀人打到「啪、啪」聲，受少好多皮肉之苦，而且同腦細關係親密唔少，仲成日互訴心聲添！

少膽虫今日一返到公司，就畀腦細捉住訴苦，「阿虫呀！我又畀人針對啦！」契弟受難，少膽虫義憤難當︰「可惡！邊個咁夠膽搞我契弟？」淫賤黎語帶哭音︰「咪就係啲垃圾會議員囉！明明開會傾緊捍衞呻吟自由嘛，點知無啦啦燒埋人哋嗰疊，暗寸《爛果》影響傳媒公信力。人哋已經自認契弟啦，點解仲要踩到上心口喎？」

見到梨花帶雨嘅淫賤黎，少膽虫不禁泛起惻隱之情︰「我幫你頂！」淫賤黎呆一呆︰「真係？」「係定啦！你一於學炳炳局長回應港鐵故障咁，先認《爛果》近排啲新聞『假咗少少』，對讀者嚟講『一單都嫌多』，跟手再話已經提點《爛果》管理層，咁咪可以交個波畀我囉！」淫賤黎聽完破涕為笑︰「虫虫，你好叻呀！」

第一手消息請下載on.cc東網iPhone/iPad/Android/Windows Phone Apps