SUN搞作:sun官場現形記:再破紀錄
李衞一朝早瞓醒見頭暈身,於是去急症室睇病,點知遇到醫管局行政總裁賢賢,兩人寒暄一番……
李衞:你哋公院又創新低嘞!
賢賢:咦?創咩新低?
李衞:你睇吓急症室呢度……
賢賢:急症室逼滿人,仲話創新低?求診人數破紀錄就真!
李衞:就係多市民睇症,咪搞到你哋再破多個紀錄囉!
賢賢:嚟緊天氣都回暖,睇病嘅人應該會回落,仲有得破紀錄?
李衞:之唔係急症服務指標創十二年新低,嚟睇急症嘅緊急病人要等超過半個鐘先有得睇,你哋仲唔請多啲醫生返嚟幫手解決問題!
賢賢:我都唔想……