立法會早前狂轟港台大花筒，否決咗逾六十億元興建被揶揄為「勞斯萊斯」嘅超豪港台新大樓計劃，港台台長鄧忍光前日向政黨推介「假減磅」方案，減嗰區區七億元預算就想蒙混過關，而商務及經濟發展局局長蘇錦樑竟然話減幅「數目可觀」，佢哋一唱一和都係想保住架「勞斯萊斯」。一句講晒，港台享受，市民就難受，議員一定要把好關，咪畀佢哋嘅奸計得逞。
