運輸及房屋局局長張炳良近日喺增加公營房屋供應同縮短公屋輪候時間動作多多，令基層市民有望加快上樓，但係顧得一瓣顧唔到另一瓣，例如港鐵事故頻生，前日又有輕鐵電纜吊吊揈、燒着枕木嘅嚴重事故，尋日申訴專員又鬧當局監察巴士班次機制有問題，無疑係縱容脫班，正如張炳成日話：「事故一宗都嫌多」，唔該佢睇緊啲，咪齋噏啦！
