政壇：搞搞政：十大議員榜 公文袋一鋪清袋

港大呢個十大議員排行榜，首先喺未經提示下調查最多市民提名嘅十二位議員，然後再進行下輪評分。因為袋巾傑嘅市民認知率相當低，所以連評分都冇機會，跌出十大議員榜。今次民調係喺一月十六至十九號進行，即係《施政報告》發表後三日，照計袋巾傑批評《施政報告》咁狠勁，冇理由市民唔認得佢，除非市民當佢發噏風嘅啫。

按過往港大民調結果，梁家傑民望一直係黨內之首，而十大議員評分中，佢經常排喺第四、第五位，成績算係中游分子，但佢今次一下子被踢出十大，相信民調結果已對該黨前途敲響警鐘。

今次十大議員榜首依然由立會主席曾鈺成蟬聯，有五十九點四分，第二同第三位分別係新民黨葉劉淑儀同田北辰，而激進派議員如陳偉業、黃毓民同梁國雄同樣打入十大。