「少膽虫，你點搞？公司又蝕錢，你叫我點算？」淫賤黎又搵少膽虫出氣，日日承受精神同肉體折磨嘅少膽虫，終於忍唔住要爆喇，「頂唔順咪執咗佢囉！」誰不知，呢一句換嚟一個令人意想不到嘅結果。

「少膽虫，估唔到你同我臭味相投，連有意賣《爛果》嘅想法都一模一樣，我決定同你燒黃紙做兄弟。」淫賤黎一臉真誠，少膽虫見有得上位，自然乜都應承。「腦細，睇番時辰八字，少膽虫大你兩年，按傳統論資排輩，照計我係……」少膽虫都未講完，已經見淫賤黎面都燶埋，當然即時轉軚，「不過，腦細你咁英明，加上少膽虫有名你叫『少』，少嚟少去點做大？不如腦細你做大，少膽虫做細。」

「唔好，傳統係要守嘅，但係……」淫賤黎欲言又止。少膽虫只好問︰「腦細，唔通你有解決妙計？」淫賤黎拍一拍心口，「當然有，契弟照舊係我，而少膽虫你就係契契弟，咁咪搞掂囉！以後我就叫你契契弟！」

「謹遵契弟意旨！」少膽虫恭敬地回應。

第一手消息請下載on.cc東網iPhone/iPad/Android/Windows Phone Apps