SUN搞作：SUN官場現形記：加價的理由
地下火車今年極大機會又要加價，加幅預料3.4%。由於市民狂轟，運房局局長炳炳就約咗地下火車職員出嚟傾傾，一齊聽吓佢哋講咩……
炳炳︰貴公司又要加價，咁……
職員︰我哋都係按機制行事。
炳炳︰不過，市民生活百上加斤，唔知可唔可以……
職員︰我答你唔可以，我哋都想體諒市民，但係又有邊個體諒我哋？
炳炳︰貴公司年年賺錢，仲要人體諒？
職員︰我哋今年好似政府咁，多咗「非經常性開支」，真係唔加價唔得。
炳炳︰係咩開支咁厲害？
職員︰你知喇，今年斷纜要罰錢，你仲大大聲聲話唔會罰款了事，我哋都係被迫。
炳炳︰咁都得？！
