SUN揭秘：食客笑口氣氛好 侍應妹妹最開心
【本報訊】為了幾條椰菜絲，侍應妹妹被鬧喊。外表溫文的侍應黃小姐說起事件，仍一臉委屈，「有次我去收食客隻碟，入面剩低幾條椰菜絲，我一時心急無問佢仲要唔要就收走，之後畀人鬧，我不斷講對唔住，但對方好大聲呼喝，問我咩態度……」她默默地吞下委屈，跑出店外，淚如泉湧。
侍應黃小姐對於被無理對待，深感委屈。
在食店工作一年多，她說經常要處理食客千奇百怪的要求，更屢次遇到沒有禮貌的食客，對她呼呼喝喝，心裏非常不好受，然而她仍敬業樂業地說，加入飲食服務業難免會受氣，每天仍掛着笑容，在店內招呼客人。
今次老闆推出「講唔該減五蚊」計劃，她無疑是最大得益者，她欣喜地說，「真係多咗客人一日內唔該我好多次，亦多咗食客入來問係咪真係會減五蚊，大家都笑笑口，氣氛明顯好咗。」
