SUN揭秘：講句唔該減五蚊 禮貌食客有獎
講聲「唔該」有幾難？近日本港有位「講句唔該減五蚊」老闆，其位於大角咀的食店，為鼓勵顧客擠出一聲「唔該」，不惜每個餐減五元。減價計劃甫出，全城哄動，雖被不少網友稱為「良心食肆代媽媽教仔」，但亦有人指摘他以宣揚禮貌為糖衣，實則博宣傳。「只想大家尊重飲食從業員。」老闆緩緩道出心願，對漫天輿論一笑置之。
希望大家以後會向飲食業從業員講聲唔該！
老闆張家濠
自從餐廳呼籲食客講唔該，侍應坦言食客很有禮貌。
「講句唔該減五蚊」推出後，成為全城熱話。
無論身處甚麼環境，擔當甚麼角色，誰都想獲禮待，80後老闆張家濠說飲食業被無禮對待的情況太普遍。他從事飲食業十四年，曾擔任日本餐廳廚師八年，而當老闆是○七年的事。他既是主理人，亦身兼主廚，每天十多小時都埋首於廚房工作。不過，他對餐廳情況瞭如指掌。
「聽到員工成日都受氣，仲試過畀客人鬧到喊。」在他口中，這些人並非惡客，只是「古靈精怪」，「做過服務行業就知，呢個世界乜人都有。」最惡劣的，是內地客，「佢哋未必係想無禮對人，但佢哋文化係大大聲講嘢，對住我啲夥計，會喂喂聲，腦海無『唔該』呢個概念。」
究竟如何改變無禮風氣，他費煞思量，更找來兄長商量，終決定於今月中推出「講句唔該減五蚊」計劃，設計一幅印上「一句唔該，五蚊回袋」的「易拉架」，放在店外。經減價後，食店套餐每份約二十五元至四十五元，每份減五元，減幅便高達一成一至兩成，他不諱言減價足以影響利潤，「唔緊要啦，希望多幾聲『唔該』，店內氣氛會好啲！」
一夜間變網絡紅人
推出僅僅兩日，消息便被網友瘋傳，一夜之間成為了網上熱話，網友紛紛說要去測試，又問假如連講六次唔該，是否有免費飯。張家濠解答，「為咗方便入單，其實全店減五蚊，唔理大家有冇講唔該！」他坦言，沒想過瞬間成為網絡紅人，特別感激網友支持，稱已閱畢大部分留言，「希望大家以後會向飲食業從業員講聲唔該！」
可是，有人支持有人踩，有網友質疑張家濠博宣傳，亦有人感嘆香港淪落到為了錢才有禮貌。聲聲謾罵傳來，他毫不在意，也沒認真統計人流是否增多，只知多了顧客微笑地說「唔該」，「人哋鬧我，我都唔會理咯，就好似歌星咁，講乜做乜都有人讚有人踩，唔介意得咁多，我仲想招攬附近食店一齊減五蚊添！」
「唔該，叫外賣！」店外傳來食客親切的話語。究竟這句「唔該」，是為減五蚊，還是發自內心，已無從考究，亦毋須深思，女侍應已經因而綻放發自內心的燦爛笑容。
