人人高呼社會不公，但又不敢站出來，惟有化身網絡戰士，在高官網頁上直抒胸臆。

雙非媽留言︰「香港細路咁多學位，我哋啲細路就得幾個位，唔公平！」一位本地媽看見，義憤填膺︰「你都打橫嚟講，土生土長都要跨區讀書，冇優先權就真係唔公平！」

未為人母的港女，懶理社會事，「我淨係知我哋有學問畀人踩低叫港女，唔公平！」「學問有鬼用？大學生咪又係失業。我哋有樣有身材，畀港女踩低叫大陸妹，咁先唔公平！」電腦前的大陸妹一臉高傲。

打工仔看到留言，不禁苦笑，「妖，講呢啲，我淨係為生活都煩死，喺血汗工廠捱生捱死，畀啲富二代笑冇出息，唔公平！」富二代老闆反駁，「我夜晚睇波，朝早又要返公司坐，成功需苦幹，畀啲窮鬼批評不務正業，邊度公平？」

誰想到「睇波」二字也令球星加入筆戰，列貝利寫道，「過去一年我捧咗五個冠軍，但金球獎就頒畀冇冠軍嘅C朗，唔公平！」正恤髮的C朗見字即忟，「我啲球技出神入化，靚仔又有型，竟要同人類爭金球獎，冇天理！」

當大家在鍵盤上忙個不停時，卻忽略網誌上一句，「高官休假兩周，有事請食自己……」

第一手消息請下載on.cc東網iPhone/iPad/Android/Windows Phone Apps