尋日喺一個健康食品嘅周年活動上見到本港富豪御用堪輿曆學家蔡伯勵，佢心情大靚，皆因見到唔少好朋友，包括「家全七福」太子爺徐德耀、醫院管理局前主席胡定旭等。蔡大師嘅擇日通勝相信好多人都睇過，馬年將至，肥胡見到身為蔡真步堂第三代傳人嘅蔡大師，當然唔執輸問吓來年嘅香港運程啦，不過蔡大師只係拋低一句「好好、好平穩」就輕輕帶過，未知當中仲有乜嘢玄機，如果想知多啲，睇嚟要擇日再問佢喇！
蔡伯勵
