環團組織希望為地球減廢，今次有環保分子去咗搵立法會議員，誠邀佢哋一齊身體力行支持環保，做個好榜樣畀市民睇。

立會議員：我平時紙張兩邊用o架……

環保分子：唔嘥紙！好！

立會議員：仲有，我開會都好少睇文件，用開平板機！

環保分子：又慳啲紙，好！

立會議員：兼且我好少叫外賣，通常去歎tea！

環保分子：減少外賣盒，真好！

立會議員：總之我好支持環保o架！

環保分子：既然你咁支持環保，不如喺「承諾減少浪費」呢度簽個名吖！

立會議員：唔係啩……我都係噏吓做個樣啫，走為上計咯！

環保分子：乜你都係講一套做一套，香港有你哋班議員造咁多垃圾，真係大嘥鬼，多得你哋唔少！

第一手消息請下載on.cc東網iPhone/iPad/Android Apps