劉健儀（右）揸住嗰張揮春係送畀龐朝輝（左）嘅太太。
臨近歲晚，大家除咗要準備定過年或者拜年禮物、辦年貨之外，最重要嘅梗係唔少得喺屋企入面掛揮春啦！全國人大代表Miriam劉健儀最近就周圍去為各區街坊寫揮春，每隔幾日就喺佢社交網站分享有關照片，佢尋日又去到灣仔，同區議員龐朝輝一齊寫揮春喇。不過，點解Miriam攞住嗰張揮春，係寫有「終生美麗」呢四個字嘅，莫非佢想祝願自己終身都美麗？
Miriam回應查詢就透露，原來揮春係應龐朝輝要求寫畀龐太嘅，至於Miriam就掛住寫畀人哋，喺新年前仲會落去近十個區，包括南區、柴灣、天水圍、九龍塘同銅鑼灣等繼續寫。所以佢話，雖然冇跟啲咩大師傅學書法，但每年農曆新年都不斷寫，尤其喺新年前特別練多啲，以自學嘅方式，依家除咗篆書之外，都學得八、九款字體喎！
第一手消息請下載on.cc東網
