名人趙世曾女兒趙式芝尋日聯同GiGi傅明憲等出席狗狗慈善步行活動，一直酷愛新科技嘅阿芝更戴住智能眼鏡Google Glass，佢透露係一個做IT嘅朋友喺美國幫佢買嘅，佢話：「佢知我鍾意科技嘢，幫我從美國寄過來，我先戴咗個幾星期。智能眼鏡要一千五百七十五美金（約一萬二千二百八十五港元），係貴，但好得意。」雖然呢款產品仲未普及，但阿芝就睇好喎，佢話：「依家好多App仲未推出，但前途無可限量。我平時都用嚟send e-mail、影相、當藍牙耳筒。呢副眼鏡基本上係聲控，開機又要仰頭，身邊朋友都話我成日鬥雞眼，又成日自己同自己講嘢。」

趙式芝（左）戴住智能眼鏡出席狗狗慈善步行活動。

傅明憲右腳「拗柴」，手撐拐杖到場。

另外，手拿拐杖嘅GiGi帶同愛犬Fifi現身，佢透露係因為前日穿上6吋高跟鞋，結果右腳「拗柴」受傷，之後喺佢受訪期間，Fifi不停扯住狗繩郁動，令GiGi差點跌倒。

第一手消息請下載on.cc東網iPhone/iPad/Android Apps