SUN搞作：網絡小說：嘟嘟
「我唔理！總之無土豪金就分手！」話音剛落，電話筒傳來一陣「嘟、嘟」聲。女友吼聲在耳邊不停迴響，小威對着比自己還要枯瘦的錢包嘆息，月入緊貼最低工資，要買「唉瘋」，只好「打多份工」，但誰有門路？小威登時想起好友察猜的身影。
「一場兄弟，見你等錢使先益你咋！」察猜一邊說，一邊將土豪金逐一綁在小威身上，「運到呢三十部土豪金上去，咪有錢出機畀阿嫂囉！」小威怯懦地問︰「穩唔穩陣？」察猜拍一拍胸口︰「你同我定！我老頂威猛哥一早搭通晒天地線，有人查你嘅，講聲自己人就放你走啦！」旁觀的威猛哥不耐煩︰「咪再打牙骹！搞掂就快啲帶嘢過關！」
「先生，請你過一過嚟！」關員向小威招手。身上土豪金恍如千斤重，小威感到寸步難行，好不容易走到關員旁邊，戰戰兢兢吐出一句︰「自、自己人……」關員面色一沉︰「咩嘢自己人？先生你小心啲講嘢！」耳邊傳來金屬探測器發出的「嘟、嘟」聲，小威腦海一片空白……
