政壇：唔洗手亂捽田二少紅眼
尋日特首去立法會發表施政報告，見到立法會議員「田二少」田北辰眼紅紅，莫非佢聽到太多福利同扶貧政策，但就冇乜支援中小企發展而眼紅？田二少解釋，自己素有用手捽眼嘅習慣，近兩個星期又不停落區同街坊握手，之後因為覺得隻眼有啲痕，就順理成章用同人握過嘅手嚟捽眼，點知過咗幾日就發現兩隻眼變得又紅又痕，心知不妙。
田二少懷疑自己患上紅眼症，急急腳搵眼科醫生林順潮求診。
田二少最後都去咗睇醫生，點知個醫生只係畀咗支眼藥水佢滴，滴足幾日都唔覺得有好轉，仲好似有轉壞嘅迹象，搞到佢愈來愈擔心。
本來佢諗住尋日早啲去睇醫生，但可惜撞正特首發表施政報告，於是惟有頂硬上捱埋記者會，之後先急急腳去搵眼科醫生林順潮求診。
林順潮早前因成功幫山西男孩小斌斌植入義眼而廣為人識，田二少話同林順潮相交多年，一直都搵開佢睇醫生，希望對方可以幫佢搵到真正病因喎！
