政壇：馮煒光創導讀施政報告

對比上手June鄧惠鈞嘅低調作風，自稱公關專家嘅馮煒光風格就截然不同。話說記者準備就施政報告向「政府消息人士」套料前，馮煒光突然走到會議室中間，振振有詞向記者簡介報告重點內容，不但做足功課引述項目所在頁數、段落，又主動提供報告中英文版字數，仲預計CY可以兩個鐘內讀完報告，為在場記者慳番唔少工夫。

不過，CY尋日下晝舉行記者會時，負責主持大局嘅馮煒光，記者會未夠限時四十五分鐘，佢就提早宣布結束，又有個別傳媒機構投訴佢點解無畀佢哋提問。但相比起去年施政報告記者會，阿June亂咁點人，有人由頭舉手舉到尾都畀佢當透明，馮煒光今次初試啼聲已算僅僅合格。