指控含糊工會促收回言論
【本報訊】怒插前線人員的電郵引發消防處上下針鋒相對。香港消防處職工總會表示收到不少會員表達不滿，望處方妥善答覆。有前線人員認為部分指控含糊不清，未有講清楚部分情況是難度考核下的結果，還是前線人員的疏忽造成，令人摸不着頭腦，有關指控不夠具體，對前線不公道。
香港消防處職工總會主席聶元風表示非常關注事件，已收到不少會員反映不滿，大大打擊前線人員的士氣。他表示，消防車司機每天都會清潔消防車，從而保持最佳狀態去應付日常行動效率，但有時經過地盤或救火後，難免會染上塵埃，故他認為該長官所提及的只屬個別事件，根本毋須將事件高調處理，同時亦會令管理層尷尬，希望該長官收回自己言論，並要求處方就事件有妥善答覆。
有前線人員指，「個指控都唔清唔楚，例如佢話面罩喺訓練室漏氣，但又冇清晰演繹面罩點解漏氣，同埋我哋點樣唔熟練？」、「我哋每日都會檢查同叉足電，例如啲電筒有時可能要扭到好實先接觸到電源，而每當電力低於指引要求時都會去換電，真係好難會冇電，究竟佢冇電定義又去到邊？」
前線：根本唔係污糟
煙帽隊入火場時，會將繩綁喺門度作識別，以便可原路出火場，「但袋繩好難會拉唔出，究竟係人員拉繩嘅手法問題定係考驗嘅一部分呢？我哋都睇到一頭霧水。」對於消防車清潔問題，有前線人員一肚火，「個鋁板表面原本有一層保護膜，根本唔係污糟，如果用化學物料去洗，反而會破壞保護膜，令到鋁板加速氧化，所以一般都只會用清水洗。」
前線人員又稱每年至少有三次到該訓練中心受訓，但「次次好似畀人玩咁」，如有導師測試人員應變能力時「佢會熄咗你個氧氣樽，但喺火場點會有人走埋嚟咁做！」
