7年未上樓五口家怒斥貪曾
【本報訊】「每個月到月尾都冇錢剩，要計過條數先可以使（錢）」阿仙一家五口只靠其夫每月萬多元收入維持生計，她估計自己一家應符合領取低收入在職家庭津貼，每月約可獲三千四百元，但她直言每月租金三千六百元：「津貼都唔夠交租」。輪候公屋七年仍未上樓的阿仙把困局歸咎於前任特首「貪曾」，她直斥：「曾蔭權完全做唔到嘢，話三年上樓其實做唔到。佢鼓勵市民生仔，我哋生咗出嚟，又話我哋人多公屋冇咁多大單位，係咪玩嘢？」
阿仙一家五口居於一百五十多呎劏房，生活環境狹窄。
阿仙一家五口居於深水埗一個約一百五十呎劏房，丈夫任裝修散工，月入約一萬二千元。她指，租金連水、電雜費每月已花去逾四千元，一對孖仔每學期書簿費近六千元，加上十八歲兒子未能覓得工作，「每到月尾都冇錢剩，要計過條數先可以使。」為省錢，她只能陪同兩兒步行二十五分鐘到長沙灣上學。
阿仙坦言，低收入津貼只是「好過冇」，長遠未能幫助他們一家脫貧，她認為最實際是能上樓，才能減輕經濟負擔。
