香港沉淪，源自一群反智無腦的低等動物在此肆意竄動，鑽空子搵着數，甚至害人累己！

新年即至，竟有人自以為度到好橋，早發新年財，就係開班教細路點去拜年，點知班都未開，便被全港網民xyz到反轉，更有網民鬧爆不如教埋啲細路點戴袋同換姨媽巾吧！

在咁群情洶湧的情況下，那設班「授徒」的機構更見機不可失，立即拍了一條短片鋪上網，由一個帶四邑鄉音的村姑，自稱係負責人嘅婆乸仔，在公司大招牌下，表情豐富的解釋開班對細路仔有乜好處，她還以「讀詩篇」的朗誦技巧，依牙咧齒的說話方式，以身作則示範，若你唔怕啲仔女畀人笑低B白癡的話，早日去報名學朗誦拜年吧！

大陸人思維，只要有錢搵，或但求目的，幾醜陋也不當一回事！

早前，當香港家長為幼齡子女排隊攞BB班入學表格時，便有人乘機派單張，話教小童「面試減壓班」啦！得嗰一歲半歲人仔，學減壓？精神失常啫？

講失常，點都不及香港教育的變態。

老友個仔讀小學三年班，已要上「性教育」課，老師叫佢哋唔好「自慰」太多喎！老友問個仔，知唔知乜嘢係「自慰」，阿仔答：「老師話，即係用隻手搞自己JJ囉！」

十歲人仔點搞都唔會有生理反應啦！又怎會明？點入腦？學嚟做乜春？呢啲課程設計，只係教育課程決策者自慰的表現而已！同樣，教BB仔減壓，不如教定佢哋點拜山仲好啦！真變態！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android Apps