SUN搞作：網絡小說：日月邪報員工團結起來
素有報界富士康之稱的日月邪報，樂於以超低薪聘用滿腔熱血的新聞系畢業生為其企業豐厚利潤奔波勞碌，創立刻薄員工第一之金漆招牌，至今竟未釀成記者編輯七連跳的悲劇，實在令人嘖嘖稱奇。然而哪裏有壓迫哪裏就有反抗，趁換腦腫風波未息，有員工終於組織起來……
「豈有此理！」小記者看罷腦腫發言，怒不可遏：「你喺日月邪報就食好着好咁鬼滿意，我哋就裙拉褲甩三餐不繼，唔搞個罷工，自己出報紙，仲有天理嘅！」
「少年人，你太年輕了。」路過的大編輯拍一拍小記者肩膀，笑言：「當年加拿大分舵工會嚟香城總舵門口搵人一齊罷工，一個二個咪又做鵪鶉？」
小記者不忿話：「咁……咁今時唔同往日呀！事關新聞自由呀，肯定一呼百應嘅！」大編輯看透世事，冷道：「換個腦腫就關新聞自由事，咁每日喺股票市場買賣嘅傳媒企業，又唔覺得關新聞自由事？」
小記者垂頭喪氣，頹然道：「罷工唔搞，咁……咁點啫，唔通唔理咩？」
「唔係，我有計。」
「？」
「團結起來！」
「又話搞唔到工會？」
「咩呀？我係話團結嚟開吓啲乜乜關注組，開吓會，繼續幫手吹噓話日月邪報係『公器』，咁樣好好睇睇，起碼第時仲有得撈嘛！」大編輯如是說。
