SUN搞作：少膽虫手記：X宗罪
淫賤黎木無表情，突然亂咁呼叫，跟着一個眼神怒睥少膽虫，少膽虫不寒而慄，不敢怠慢，立即躝過去淫賤黎度，隻手搓着淫賤黎嘅心口：「腦細，因乜嘢搞到你咁心煩？等少膽虫幫你解決……」淫賤黎嬲到上氣不接下氣：「我哋壹傳霉又畀人奚落，你話係咪離譜？」
聰明過人嘅少膽虫已經估到發生乜事，「唔好咁激氣啦，人哋根本就係無知，亂咁數壹傳霉六宗罪，我哋行得正、企得正，驚啲咩？」少膽虫語言偽術，將造假新聞、宣淫販賤講到理所當然，氹得淫賤黎嘴角上揚：「之不過畀人咁插法，讀者會唔會又再跌o架？」少膽虫啪心口擔保，「點會跌吖，一直處於谷底水平，無得再跌喇！放心啦！」
淫賤黎如釋重負，「虫！壹傳霉同爛果就靠你喇！」少膽虫咁又過到骨，真係險過剃頭，不過心諗，「壹傳霉畀人話六宗罪真係畀足面，我哋做埋咁多衰嘢，又點止六罪咁少，直情係罪孽深重，阿彌陀佛，善哉善哉！」
