SUN搞作：SUN官場現形記：三年上公屋
李衞細細個讀書就知道香港地少人多，住屋係民生重中之重嘅問題，但係房署呢個吹水部門，話就話平均三年配屋，實情就係拖完再拖，小市民等了又等，李衞唔幫香港人出番啖氣點得？
李衞：將高高拖上公堂！（威武）
房署高高：我無罪！我無罪！
李衞：房署話平均三年配屋，但係小市民就等到頭髮白，咁都話無罪？
房署高高：我哋係話三年又三年、三年又三年，佢哋聽錯啫！
李衞：（怒）香港地寸金尺土，咁多人被迫做劏房族，房署明明有空置單位，點解唔物盡其用？
房署高高：你都識講，香港地寸金尺土，空置單位係房署重要資產，點可以隨便配畀人？
李衞：公屋係公共資源，屬於香港市民，唔係你哋房署嘅！既然你咁鍾意狡辯，我都唔想多費唇舌！來人，仗打三板！
房署高高：哎吔！哎吔！哎吔！哎吔……明明話三板，點解仲唔停？哎吔！哎吔……
李衞：我係話三板又三板、三板又三板，你聽錯啫！
