自從沈祖堯做咗中文大學校長之後，除咗展現咗開放作風之外，亦經常同學生打成一片，無論校外校內對佢都有唔錯嘅評價。之不過，佢嘅任期將喺明年六月三十日屆滿，而中大校董會尋日就宣布，已獲悉沈祖堯話樂意考慮喺任期屆滿後繼續出任校長一職。咁中大將就校長續聘事宜向大學成員進行諮詢，當諮詢完成後，中大校董會就會喺今年稍後舉行嘅會議上，決定係咪通過校長嘅續聘同有關任期，屆時再對外公布喎！
沈祖堯
