SUN搞作：網絡小說：貪曾之謎
貪曾後生嗰陣，靠擦鞋上位，上岸嗰陣，見到大瘤、電視劇叔叔同埋其他有錢人都「百足咁多爪」，便嫉妒咁話：「我都要做有錢人！」於是，佢同上帝禱告話：「上帝啊！我要擁有比佢哋更多嘅『腳』！」
上帝應承咗貪曾。佢將好多好多腳放在貪曾面前，任佢自己拎嚟用。貪曾以為呢個係一個暗示，急不及待拎起啲腳，一隻一隻貼上身，從頭貼到尾，直到再無地方可以貼，佢先依依不捨咁停。貪曾心滿意足睇住滿身係腳的自己，暗自竊喜：「以後我仲唔乜都貪到盡！」
但係，等貪曾一開始貪嗰陣，先發覺自己完全無辦法控制啲腳，啲腳劈哩啪啦各走各路，一隻去搶鮑魚、一隻去擸茅台，貪曾一定要全神貫注，先可以令啲貪腳唔好太大動作畀人發現。此時，貪曾的貪爪又再伸向香城度……
「咔嚓！咔嚓！」正義傳媒的相機，又再捉到貪曾「衰咗」嘞！
