一個化妝品牌邀請咗包括孫穎、楊張新悅、周美鳳、邱文伶、雷林靜怡同趙式和等近三十位城中名人互相分享近況同美容心得，度過一個舒適寫意嘅下午。活動場地以優雅雪白嘅布置為主題，讓一眾嘉賓恍如置身於珍珠世界中，各嘉賓仲可以到特設嘅珍珠糖果體驗區，親手選擇屬於自己嘅珍珠糖果，細意品嘗甜在心頭嘅那份甜蜜。

周美鳳（右）及女兒（中）與孫穎齊分享美容心得。

楊張新悅

顧紀筠

咁多名媛聚首一堂，當然好熱鬧，講到珍珠仲好雀躍添！例如傾到珍珠首飾嘅時候，剛創立自己珠寶品牌嘅顧紀筠，亦踴躍地分享選擇珍珠嘅技巧，佢話：「完美的珍珠係好罕有，選擇時最重要係從佢嘅圓潤、光澤同保養方面入手。」

龐董晶怡就笑言：「珍珠係我嘅摯愛之一，我好欣賞今次品牌利用珍珠嘅啟迪而研發嘅新產品，讓肌膚恍如被賦予源源嘅珍珠光澤，就像我嘅肌膚亦佩戴咗珍珠一樣。」

第一手消息請下載on.cc東網iPhone/iPad/Android Apps