ACCA（特許公認會計師公會）香港分會尋日喺中環遮打道行人專用區舉辦第十七屆「ACCA公益關愛日」，逾三十六個團體參加人力車比賽，用代表本港嘅傳統交通工具籌善款，為特殊學童、家境欠佳嘅中學生提供援助。為配合大會嘅「魔法」主題，逾一千人戴上假髮，扮成醫生、護士，十分搞笑，而活動共籌得一百二十萬元善款，打破分會歷年紀錄。

人力車比賽戰況激烈。

參加活動的人士，打扮成醫生護士，場面趣怪。

張建宗

勞工及福利局局長張建宗擔任活動嘅主禮嘉賓，佢喺台上致辭時話，要建構一個關愛嘅社會，需要官商民三方面共同努力，又話自己已經連續幾年參加呢個活動，而呢個活動每次都喺施政報告發表前四十八小時舉行，跟住就大談政府過去喺改善民生同福利做咗好多嘢。

咦！咁後日發表嘅施政報告，有乜嘢改善市民生活嘅措施？點知張建宗竟然大賣關子，叫大家期待下，完咗之後仲一支箭咁走人。

第一手消息請下載on.cc東網iPhone/iPad/Android Apps