SUN搞作：SUN官場現形記：「腦」力除草
康文署繼害死深水埗古樹後，又要重複犯錯，李衞當然睇唔過眼，叫咗署長儀儀出嚟當面對質……
李衞︰九龍塘棵古樹咁健康，點解要移除？
儀儀︰就係太健康，生長得太快，向馬路傾斜好危險！
李衞︰我都知，但早幾年已經有專家發現問題，但你哋……
儀儀︰我哋唔係咩都無做，我哋有修剪枝葉。
李衞︰就係愈剪生得愈快，呢啲咪係你哋獨斷獨行嘅後果囉！
儀儀︰……本署做嘢自有一套。
（李衞遞上一把割草刀予儀儀）
儀儀︰你畀把割草刀我做咩，依家做咩都太遲。
李衞︰唔遲，與其移除古樹，不如割晒你個腦入面啲草，古樹就唔使再白白犧牲。
儀儀︰@#$%%^^&^&
