皮草已唔再停留喺懷舊格調，三十件創意設計皮草，日前在多位時裝達人見證下，誕生明日之星；每年一度「香港皮草設計比賽」係本港年輕設計師的比武擂台，獲獎的傑出作品將代表香港，參加在米蘭舉行嘅國際皮草設計比賽，與世界級高手一決高下。美味的緣分，由一口曲奇開始。一個日本高級曲奇品牌登陸香港，吸引城中曲奇愛好者追着出爐餅香到來，分享大師級的滋味。

皮草時裝夜
密斟
名媛榮雪梅（左）與榮文蔚（右）同姓三分親，成晚咬耳仔傾偈。

溫暖
新婚無耐嘅中港照相器材主席孫大倫細仔孫道熙翹實太太林珊亭睇皮草騷，恩愛之情仲溫暖過皮草。

樂見
保良局前總理方劉小梅（左）與名媛梁鄭秀敏（右），樂見香港設計界後起之秀不絕。

高貴
地產界女強人胡幗英輕搭皮草披肩，簡潔又高貴。

創新
皮草公司太子爺王大業愛把靈感注入設計中，將皮草變身玩味時裝。

日本曲奇登陸
打氣
四洲集團業務發展董事戴凱欣（右）引入新口味，身為好友嘅合和實業董事總經理胡文新（左）幾忙都嚟打打氣。

天賦
身段纖瘦嘅名模周汶錡都係曲奇發燒友，但伊人得天獨厚，食極唔肥。

親製
前藝人張新悅愛炮製別致曲奇畀囡囡做零食。

第一手消息請下載on.cc東網iPhone/iPad/Android Apps