政壇：黃洋達「鹵味男」蹂躪基本法
立會政制事務委員會尋日舉行公聽會，多名激進反對派人士就肆意蹂躪《基本法》，又各出奇招出位，「熱血公民」代表黃洋達批評中央及港府官員就政改問題「僭建」《基本法》，隨手攞起本《基本法》撕毀，佢可能唔記得，呢本《基本法》其實係立法會嘅財物，最後需要賠償畀立法會。好心佢下次做騷時，有品啲自備道具喇！
「鹵味男」錢偉洛作狀用《基本法》嚟「抆屎」。
黃洋達撕毀那本《基本法》，原來係立會嘅財物。
同過往一樣，唔少出席公聽會嘅騎呢團體同人士都會自我表現博出位，自稱「協助飯團入閘大聯盟」代表、外號「鹵味男」嘅錢偉洛更有心玩嘢，喺會上批評《基本法》制訂過程唔民主，並揚言自己平時會用本《基本法》嚟「抆屎」，並隨即企起身好似想當眾除褲咁，好彩畀委員會主席譚耀宗及時制止。
