冬日陽光和煦，開車兜兜風也不錯。二十四部由香港老爺車會借出嘅古董車，日前齊齊起動義載六十位長者，由保良局總部前往機場一間酒店，同另外逾五百位長者一齊High Tea，享受愉快悠閒下午，一眾保良局董事局成員齊心出動，陪長者體驗懷舊之旅。先施百貨家族後人馬天惠日前出版第三本著作，分享七個最重要嘅人生價值觀。新書發布會上，閨中密友紛紛撐場，主人家將當日賣書收益悉數捐畀慈善團體，為善最樂。

馬天惠新書發布
全家捧場
馬天惠（後排左）出新書，老公Harvey（後排右）、細女Tiqa（前左）同大女Quisha（前右）齊出動捧場。

飛魚現身
「香港女飛魚」蔡曉慧多年為游泳奮鬥，相信其人生觀都好有參考價值。

老公體諒
商人趙世光千金趙式和（右）為生意不時中港兩地飛，下月又去新加坡出席藝術活動，難得老公李承康（左）對賢妻好體諒。

保良局老爺車義載
各有經歷
保良局主席鄭錦鐘（右）自爆人生首部座駕購於八十年代；副主席陳細潔（左）就難忘坐朋友嘅老爺車兜風，突然死火「跪低」，好狼狽。

Apps獲獎
富豪酒店國際控股有限公司副主席兼董事總經理羅寶文早前研發嘅遊戲Apps喺內地獲獎，可喜可賀。

義贈靚粥
國際佛光會香港協會會長鄺美雲喺日前「臘八節」動員義工們煮素粥送贈好友，祝願人人身體健康。

香車懷舊
鄭錦鐘太太鄭關巧妍（左起）、副主席郭羅桂珍同雪肌蘭國際集團有限公司主席劉陳小寶，喺儀式後齊坐上古董車懷舊一番。

喜迎孫女
保良局副主席蔡李惠莉嘅千金蔡加怡上月誕下囡囡，蔡太笑言孫女腳頭好，趕及新年前逗利是。

第一手消息請下載on.cc東網iPhone/iPad/Android/Windows Phone Apps