SUN搞作：網絡小說︰「霸氣」外洩

有錢人大鰐在街上大搖大擺，突然被人拍膊頭，大鰐回頭一看，原來是個衣衫襤褸的小市民，「先生，你啱啱踩到我。」大鰐不悅︰「你想屈我賠醫藥費？呢度唔係大陸，你咪報警囉！」

大鰐頤指氣使，市民也不甘示弱，「幾時話要錢，你踩到我，我要嘅係道歉。」大鰐不屑地笑了兩聲，「你知唔知我對鞋係老佛爺設計，仲要用人手逐針逐線縫製，係我呢啲咁尊貴嘅人先襯得起，依家我都未話你對臭鞋整污糟我鞋底，你竟然敢惡人先告狀！」

「中國『西太后』？怪唔知得咁犀……利喇！」市民反唇相譏，大鰐氣得面紅耳熱，「唔同你一般見識，就算踩你又點，畀我用呢對鞋踩你，你執到喇！」市民再也按捺不住，「有錢人大晒咩？信唔信我告你！」