今個月七十大壽嘅「佔領中環」行動發起人之一「朱牧」朱耀明牧師，獲學者戴耀廷、陳健民連同香港民主發展網絡十幾個學者斥資十幾萬元，喺沙田一間酒店筵開二十六席，由朱牧拍板廣邀教會好友、民主路上嘅同路人及親戚等食餐好嘅，開支由學者全數包底。朱牧對老友嘅一番心意，除咗感恩，都係感恩。

朱耀明對學者老友為自己擺壽宴再三強調「非常感恩」。

尋晚嘅壽宴，各來賓均獲邀喺簽名冊寫上鍾意壽星公嘅七十個理由，陳健民鍾意朱牧「激情、有型」，立法會前議員陳淑莊就「最鍾意朱牧師嗌咪」喎!

朱牧嘅壽宴開始入席短短二十分鐘，「on.cc東網」已經即時上載報道，連平日甚少接觸科技嘅朱牧，都即刻戴番副老花眼鏡，用手機瀏覽「on.cc東網」報道，仲大讚報道認真夠晒快，資料清楚。陳健民亦讚揚「on.cc東網」報道非常「即時」，有多啲同類新聞都係好事咁話。

第一手消息請下載on.cc東網iPhone/iPad/Android/Windows Phone Apps