近期，點解香港有咁多人嗌要移民離港呢？點解連原先話死守香港的本土派鬥士也感悲觀，甚至承認「失敗了」呢？

香港死直？玩完乎？

如果香港無得救，除那廢柴政府庸官們要負最大的責任外，呢度一群政治娃娃團亦不能推卸責任。

建制派為表貞忠，明目張膽的拋身做哈腰奴才；功能組別的利益集團，只求爭寵，醜態百出的委身做舉手機器，成班粉皮禍港禮義廉。

勿以為香港之死，只得上述一眾賤精所累，另一群「反對派」的泛民人士，也不見叻得去邊！泛民已人丁力弱糧油缺o架啦！仲不好好團結？除各持己見爭做大佬共主之外，還有二五仔內宄（為「鬼」）潛伏搞分化，咁！點可能成事、有作為吖？

嗱！真普選聯盟開記招講「政改方案」前，公民黨嘅異見分子就搶先出嚟，明寸聯盟提議的「三軌方案」（即公民提名、政黨提名和提委會提名），佢話若三項提名「缺一不可」的話，若中央唔使提委會，只准「公民提名」，咁係咪唔可以支持政改呢？呢啲小學雞邏輯，都搞得唔清唔楚，香港點有運行呢？照他的邏輯，不如問：如共產黨冧台，又或香港陸沉，甚至地球停頓，咁我哋仲要唔要如期一六、一七年普選仲好啦！

那位仁兄的怪行，離奇得很，呢頭話自己係公民黨老將，轉嗰頭又話自己係議員，有獨立判斷，不會跟黨的決定路線走，咁！你仲做黨員做乜Q吖？

看到一些反智低B的言行，唔插係唔安樂的！尤其係泛民的人所做的！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android Apps