可怒也！廢官周一鑊當年主管衞生事務，搞到香港雞犬不靈，已經係人神共憤之事，依家又爆出佢隨口噏當秘笈，害到易小玲早年手術未盡完善，受苦受難，唔教訓佢點得！

李衞：一鑊，你識少少扮代表，擺官威點紅點綠，害慘易小玲，仲有乜狡辯！

周一鑊：我似是一一的淡忘……有啲咁嘅事咩？我唔記得喎！

李衞：詐傻扮懵？咪同我嚟呢套！教授已經爆晒出嚟嘞！

周一鑊：唓！就算係又點？有邊個高官唔係隨口噏當秘笈？我咪算收斂囉！

李衞：……估唔到你無恥成咁！我依家就要問你責！

周一鑊：且慢！一罪豈可兩罰！我已經冇做食衞局局長，算係用全香港人福祉贖咗罪，仲罰乜Q?

李衞：……好！依家我就再為香港人謀福祉！人嚟！捉佢上機！

周一鑊：嘩！你哋捉我去邊？

李衞：我已經同阿雞樂三世傾好，依家放逐你去菲律賓腫挏府做港傭，好多菲仔會日夜招呼你，放心去啦！

第一手消息請下載on.cc東網iPhone/iPad/Android Apps