設計圖片及對白
新民主同盟嘅立會議員范國威尋日特登開記者會介紹佢嘅公投方案，要求循超級區議會當選為立法會議員嘅白鴿黨鐵頭仁立即辭職，以便啟動公投程序，再由公文袋現任主席余若薇接棒參選。不過，余若薇唔係區議員，為咗佢成功取得超級區議會入場券，范國威不惜要求準備參選南區區議會海怡西補選嘅單仲偕退出，等余若薇頂上。佢仲聯絡同樣有意參選嘅人力主席袁彌明，對方亦接受佢嘅建議，讓路畀余若薇參選。
好多人都講過超級議員辭職公投冇五區總辭咁有代表性，因有成幾十萬功能界別嘅選民冇份投票，咁點解佢仲要提倡超級議員辭職？佢就話單一選區比起五區可以更聚焦市民眼球，可以進一步彰顯民意。佢話白鴿黨喺一○年政改一役違背部分選民意願，加上佢哋曾講過超級議席並唔可以千秋萬世存在落去，鐵頭仁辭職除可重拾白鴿黨嘅道德感召力之外，仲可以重拾選民支持。咁范國威會否響應辭職公投？佢話現時會全力推動鐵頭仁辭職，但都會積極考慮辭職。嘩！咁咪即係佢唔入地獄，推鐵頭仁落地獄先。
第一手消息請下載on.cc東網
