政壇：大輝赴台踢波坐禪慶生
立法會議員林大輝早前同一班親友去咗台北旅行，順道慶祝生日，當地朋友知佢鍾意踢波，於是預早同當地飛駝足球隊退役球員夾好，幫佢搞咗場兩地足球大戰。飛駝喺台灣嘅足球聯賽屢奪獎項，但「大輝隊」竟然小勝對方，氹得大輝好開心。
林大輝
港台足球大戰翌日，大輝帶埋班球員同朋友去禪修，到法鼓山拜會當地嘅果東方丈同果品法師。佢話同親友到法鼓山坐禪，感覺好舒暢，單單靜坐半小時已係非常難得嘅體驗喎！
再到訪法鼓山，令大輝憶起當年皈依時，獲聖嚴法師賜予「常行」法號，可惜法師已往生極樂，當時嘅情景仍然歷歷在目。大輝總結行程時，話有得踢波又可同親友食齋已樂在其中，過咗個不一樣嘅生辰。
